بداية, هذا المقال موجه فقط لمستخدمين ايفون !
نتكلم شوي عن الايفون .. يمكن فيه احد ماعنده خلفيه ليه الايفون يستخدم من رجال الاعمال والمسؤولين الكبار (كهاتف ذكي ) .. لكن فيه قسم منهم كبير يستخدم ايفون عادي ( مثل ابو كشاف )
- يميز الايفون انه جهاز الامان فيه عالي شوي .. لأنه جهاز مقفول .. يعني المبرمجين ما يقدرون يضيفون له ويعدلون زي اجهزة الاندرويد .. اعطيكم مثال .. مثلا اجهزة السامسونج والهواوي تقدر تركب فيها تطبيق تسجيل المكالمات .. لأن المبرمجين يقدرون يوصلون للمكالمات ويسجلونها .. لكن في الايفون ما يقدرون .. كذلك تطبيقات البلوتوث اغلبها من ايفون لأيفون فقط
- تقفل شركة ابل ثغرات الايفون بشكل دوري لذلك تجد له تحديث كل شهر .. واحيانا خلال الشهر
- يفضل اغلب الناس كميرات الايفون .. ولكنني اتحفظ على ذلك .. حيث ان هناك أجهزة سامسونج وهواوي تتفوق على الايفون بالتصوير
عن الاختراق وما الاختراق
خوف كثير من الناس من اختراق الجوال .. في الغالب يكون اكبر من حجمة, لأنه لا يوجد شي اسمه اختراق بالمعنى المتداول بين الناس, هناك اهمال .. هستره .. لا مباالاة وجهل في استخدام الجوال .. لأن كثير ممن اخترقت جوالاتهم .. هي في الحقيقة لم تخترق بل صاحب الجوال هو من سرب معلوماته (كلمات السر لحساباته ) .. سواء بقصد ام بدون قصد
اما اختراقات المبرمجين والمتخصصين فهي بعيدة عنك أيها المستخدم العادي .. أولا .. لأنك لست زعيم سياسي او مسؤول كبير في دولة او في شركة كبيرة .. انت ياطناية عايش ماحد درا عنك .. ولا تسوى ان الواحد يخترق جوالك .. لأن المتخصصين يقومون بعمليات الاختراق هذي نظير مبالغ كبيرة .. قد تصل لعشرات الملايين .. عاد انت وش الي في جوالك يسوى اكثر من 50 ريال 😂 انت باختصار خليت باب جوالك مفتوح وسربت كلمة المرور عن طريق رابط نقرته والا بسبب ان كلمة المرور أصلا سهلة a12345678 ... جود غرضانك
طيب كيف اعرف ان جوالي مراقب او مخترق
ممكن انك
- تلاحظ ان جوالك بطيء بشكل واضح ودايم يعلق ويهنق
- استهلاك بيانات الانترنت رغم انك ما تستخدم الانترنت بكثرة
- تكرر عملية فشل فتح التطبيقات
- فيه فيروسات تخلي الجوال يطفي او يعيد تشغيلة بشكل متكرر
- من اقوى علامات الاختراق هي وجود مشاركات لك على وسائل التواصل الاجتماعي انت ما نشرتها 😁
أنواع الاختراق
- اختراق من جهات يحق لها تفتيش جهازك بموجب القانون ( كالجهات الأمنية ) وهذي غالبا ما تحدث عن طريقة الشريحة المسجلة باسم الشخص او الرقم التسلسلي للجوال
- الهاكرز (الحرامية ) ويمكن ان يدخلون عن طريق تطبيقات انت تقوم بتحميلها او عن طريق روابط تنقر عليها.
- كلمات مرور لك تسربت بسبب اهمالك او جهلك بأهمية اختيار كلمة المرور ( لازم تكون قوية وصعبة التخمين )
- عن طريق شركة ابل نفسها .. حيث تقوم بمتابعة سير خدماتها على الأجهزة.
طيب .. كيف احمي جوالي من الاختراقات
شف طال عمرك
- اول شي .. انت شخص مسؤول .. انتبه ثم انتبه ثم انتبه من الروابط الي تجيك من اشخاص ما تعرفهم او في مواقع ماينعرف اصلها ولا فصلها .. (يعني ماهي مواقع ثقة وكبيرة ) ..
- الحاجة الثانية .. التطبيق الي ماعليه تقييم عالي ومراجعات كثيره .. ياخي لا تحمله .. وشدك به .. شكله مايطمن
- ثالث شي .. لازم تفهم وتعي ان التقنية أصبحت خطيرة في يد الكبير قبل الصغير .. وياما فيه قصص وفضايح وقصص ابتزاز وسرقة دمرت ناس .. وانا ماتعلم, بلعت الطعم وتطلب الستر .. لكن ان شاء الله انها بعيدة عنكم ولا تصير لكم بيوم من الأيام .. عشان كذا .. خلك حذر واحفظ كلمات المرور حقتك .. واحسن اختيارها .. ولو تأخذ دورة تعلم فيها كيف تحفظ غرضانك (كلمات مرور وأسماء مستخدمين ) .. تراها زينه بالحيل لك .. انفض الكسل وتنشط وخذ دورة أبو ساعتين .. قسمها على عشر أيام .. يعني كل يوم 12 دقيقة .. !
- اخيرا .. فيه برامج على متجر التطبيقات وظيفتها تراقب جوالك من أي نشاط مشبوه وترسل لك تحذيرات .. تراهي منتازه ومجربه.
مثل :
1- تطبيق iVerify .. لتحميله اضغط هنا
2- تطبيق look out .. ولتحميلة اضغط على الرابط التالي اضغط هنا.
ايضا فيه أكواد تساعد في الغاء تتبع المخترق لجوالك
هذه اكواد تساعد في الغاء اعدادات التحويل والمتابعة فيما لو قام المخترق بتغييرها في جهازك
كود #21#*
كود #002#
هذا شي مختصر عساه ينفعك .. لكن اذا تبغى تقرا اكثر .. تصفح دليلك الكامل لحماية بيانات هاتف آيفون من الاختراق
تعليقات
إرسال تعليق
يسرنا ترك تعليقك هنا .. وسوف يتم اعتماده في اقرب وقت